संगी चुनाव ह मुड़ म आगे हे ,

नेता ह लंद-फंद करके नन्दागेहे|

कभू कहेथे कछु ,कभू करिथे कछु ,

लागथे नेतामन बहियागे हे |

संगी चुनाव ह मुड़ म आगे हे ,

नेता ह लंद-फंद करके नन्दागेहे|

कुर्सी पाय बर का-का कर हीं |

कुर्सी म नेता मन मोहगे हे,

मनखे -मनखे के मन ल जाने बर ,

मंद ,बोकरा,मुर्गी ह रखागे हे |

संगी चुनाव ह मुड़ म आगे हे ,

नेता ह लंद-फंद करके नन्दागेहे|

बोंट सबके ओला मिल जाए ,

ओखर बर बोकरा के बदना ह बदागे हे 

संगी चुनाव ह मुड़ म आगे हे ,

नेता ह लंद-फंद करके नन्दागेहे|

                 शंकर गोयल 
                shankar.pithora@gmail.com 
                 MOBILE NO.-9424235208